ҚР Президенті Н. Назарбаевтың Жолдауында жұмыс берушілерді еңбек нарығында сұранысқа ие кәсіптерге тарта отырып, техникалық және кәсіптік білім беруде оқыту бағдарламасын жаңарту көзделген.

Тереңкөл ауданының аграрлық-техникалық колледжі еңбек нарығында сұранысқа ие жұмысшы мамандарын дайындайды. 

Облыстың бейінді колледждер базасында алған білімдері мен дағдыларын растау үшін жыл сайын әр түрлі бағыттар (кәсіптер) бойынша конкурстар өткізіліп тұрады.

Осындай конкурстардың бірі ағымдағы жылдың 14 ақпанында Ертіс ауылында колледж студенттері арасында "Аспаздық іс" біліктілігі бойынша өткізілді, оған Павлодар облысының– Ақтоғай, Ертіс, Железин колледждері, сондай – ақ Омбы облысының - Русскополян аграрлық техникумы қатысты.

Біздің колледждің намысын 2курс студенті Опарина Ксения (ө\о шебері Ахмедиянова Г. Б.) қорғады. Байқау қорытындысы бойынша бірінші орынды Тереңкөл ауданының аграрлық – техникалық колледжінің студенті иеленді. Біздің колледждің "Аспаз" біліктілігі бойынша оқитын студенттері бірінші орынды қатарынан екінші жыл иеленіп отыр.  Бұл тек үйретіп қана қоймай, студенттерді еліктіріп, соңдарынан ерте білетін, сонымен қатар өз шеберлігін үнемі жетілдіріп отыратын тәлімгерлердің еңбегі деп ауыз толтырып айтуға толық негіз бар.

Колледж әкімшілігі