Саяхатқа қатысушылар комбайнның көмегімен күнбағыс жинау науқанына қатысты. Бұл әдіс өсімдік алқабын тез әрі тиімді жинауға және оны күнбағыс дәнінен ажыратып, өндіруге көмектеседі. Бұл үдеріс кезінде техниканың сапасы аз роль атқармайды, сондықтан да қожалық басшысы «John Deere» маркасын таңдаған.   

Балаларға күнбағыс жинау науқанына қатыса отырып, комбайнда отыруға және тіпті кейбіреулеріне оны жүргізуге мүмкіндіктер берілді. 

Тәжірибелі комбайншылар болашақ шаруаларға жұмыс барысын көрсетіп, олардың сұрақтарына жауап берді. 

Саяхат өте қызықты, танымды болды. Бұл студенттерге өздерінің болашақ мамандықтарын көзбен көруге және оқуға деген ынталарын арттыруға көмектеседі. 

Аграрлық техникалық колледж қожалыққа серуен жасауға мүмкіндік бергені үшін «Құндыз» ШҚ басшысына алғыс білдіреді.