Тереңкөл ауданының аграрлық-техникалық колледжінде 2021 жылдың 25-29 қазан аралығында кәсіби шеберлік апталығы өткізілді.

Мақсаты: аспазшы, кондитер және қоғамдық тамақтану өнімдерінің технолог мамандығын игеруге деген қызығушылықты арттыру, білім алушылардың шығармашылық қасиеттерін дамыту және дербес шығармашылық қызметке тарту, кәсіби құзыреттіліктерін көрсету.

Міндеттері:

- Білім алушылардың өзіндік кәсіби қызметке қызығушылығын дамыту.

- Оқытылатын пәндерге қызығушылықты арттыру

- Шығармашылық қабілеттері мен оқуға деген ынтасы жоғары білім алушыларды анықтау.

- Білім алушылардың таңдаған кәсібі мен мамандығы туралы ой-өрісін кеңейту.

Апта ішінде келесі іс-шаралар өткізілді:

25.10.2021 аптаның ашылуы .

Колледж фойесінде стендті безендіру.

Жұмбақтар, ребустар, сөзжұмбақтар сайысы, барлық топтар қатысты. Үздік нәтижені АШМ 11, ОП 12, ОП 32 топтары көрсетті.

26.10.2021 жылы Өндірістік оқыту шебері Г. Б. Ахмедиянова «Тарих сағаты» танымдық сынып сағатын өткізді, онда студенттер әлемдік аспаздықтың даму тарихымен танысты. 1,2 және 3 курс студенттері қатысты.

27.10.2021 жылы өндірістік оқыту шебері Г.Б. Ахмедияновамен «Жеміс карвингі» атты мастер-классы өткізілді, онда студенттер алма карвингінің қарапайым элементтерімен , аққу элементтерімен, Марков жапырақтарынан, веер қиярымен танысты. Мастер-класс бойынша келесі студенттер оң нәтижелер көрсетті: АШМ 11 тобының студенті Бедрин Илья, ОП 12 тобының студенттері Шилойникова Олеся, Шилойников Алексей, ОП 32 тобының студенті Гостеева Ангелина.

28.10.2021 жылы «Үздік аспаз-2021-2022 оқу жылы» атауымен ТҰ 12 және ТҰ 32 топтарының студенттері арасында мамандық бойынша үздікті анықтау мақсатында кәсіби шеберлік конкурсы өткізілді.

29.10.2021 жылы өндірістік оқыту шебері Г.Б Ахмедияновамен ТҰ 12 және ТҰ 32 топтарының суденттері үшін «Аспаздық эстафета» өткізілді.

Эстафетаға бір топтан төрт адамнан тұратын екі команда қатысты.

01.11.2021 кәсіби шеберлік апталығын қорытындылады, онда АШМ 11 тобының студенттері І орынды иеленді, ТҰ 12, ТҰ 32 тобының студенттері ІІ орынды иеленді, студенттер дипломдармен марапатталып, өндірістік оқыту шеберінің қолынан жасалған бауырсақтан дәм татты.