Павлодар облысының техникалық және кәсіптік білім беру ұйымдарында 2018 жылдан бастап көптілді білім берудің облыстық бағдарламасы жүзеге асырылуда. Өткен кезеңде кәсіби ағылшын тілі оқытушылары күнтізбелік-тақырыптық жоспарлау, мамандық бойынша терминологиялық вокабуляр жасау және ағылшын тілін оқытуды жетілдіру бағытында әдістемелік ұсыныстар жасау бойынша жұмыс жүргізді.
Облыс колледждері оқытушыларының С. Торайғыров атындағы облыстық кітапхана базасында American Corner Pavlodar кездесулері дәстүрге айналды.. Бұл кездесулердің бастамашысы білім басқармасының басшысы Дінислам Болатханұлы және ТжКБ бойынша оқу-әдістемелік кабинет болып табылады. 26 қараша күні колледж оқытушыларының кезекті кездесуі өтті. Мұндай семинарлар оқытушыларға студенттердің коммуникативтік дағдыларын арттыруға мүмкіндік береді және тәжірибе алмасу алаңы болып табылады.
Біздің колледжден практикалық семинарға шет тілінің оқытушысы Ю. Л. Наумова қатысты, ол "Фермер шаруашылығы" мамандығы "Автомобиль жүргізушісі" біліктілігі бойынша оқитын студенттерге кәсіби шет тілін оқыту тәжірибесімен бөлісті.
https://atk-terenkol.edu.kz/8-5/8-7/258-oblysty-seminar.html#sigFreeId391ddf632a