Павлодар облысы білім беру басқармасының «Тереңкөл ауданының аграрлық-техникалық колледжі» КМҚК келесі мемлекеттік қызмет түрлерін көрсетеді:

• «Техникалық және кәсіптік білім туралы құжаттардың телнұсқаларын беру»,

«Техникалық және кәсіптік, орта білімнен кейінгі білім берудің білім беру бағдарламаларын іске асыратын білім беру ұйымдарында білім алушыларды ауыстыру және қайта қабылдау»;

• « Техникалық және кәсіптік, орта білімнен кейінгі білімін аяқтамаған адамдарға анықтама беру»;
• «Білім беру ұйымдарында білім алушыларға академиялық демалыс беру»;
• «Техникалық және кәсіптік білім беру ұйымдарында білім алушыларға жатақхана беру»;
• «Азаматтардың жекелеген санаттарына, сондай-ақ қорғаншылықтағы (қамқоршылықтағы) және патронаттағы адамдарға, техникалық және кәсіптік, орта білімнен кейінгі және жоғары білім беру ұйымдарының білім алушылары мен тәрбиеленушілеріне тегін тамақ беру»;
• «Мектепке дейінгі тәрбие мен оқыту, бастауыш, негізгі орта, жалпы орта білім беру, техникалық және кәсіптік, орта білімнен кейінгі білім беру бағдарламаларын іске асыратын білім беру ұйымдарының педагог қызметкерлеріне және оларға теңестірілген тұлғаларына біліктілік санаттарын беруге (растауға) аттестаттаудан өту үшін құжаттарды қабылдау»;
• «Техникалық және кәсіптік орта білімнен кейінгі білім беру ұйымдарына құжаттарды қабылдау».

2024 жылғы 11-13 желтоқсан аралығында «Қазақстан Республикасы Президентінің жанындағы Мемлекеттік басқару академиясы» РМҚК Павлодар облысы бойынша филиалында колледж басшысының орынбасарлары Х.К. Габдулина мен М.М. Анапиянова «Ең алдымен – адамдар: мемлекеттік қызметтердің сапасын арттырудың практикалық құралдары» тақырыбында семинардан өтті.

Семинар шеңберінде «Мемлекеттік көрсетілетін қызметтер сапасын бағалау тәртібі мен критерийлері», «Мемлекеттік көрсетілетін қызметтер сапасын мемлекеттік бақылау», «Ерекше клиенттермен өзара іс-қимыл, қарсылықтармен жұмыс», «Азаматтарға қызмет көрсету техникасы, бірнеше көрсетілетін қызметті алушылармен бір мезгілде жұмыс істеу дағдылары» және т.б. дәрістер тыңдалды.