Ойын-аукцион

Ағымдағы жылғы 11 қарашада Қазақстан Республикасы Тәуелсіздігінің  30 жылдығын мерекелеу аясында қазақ тілі мен әдебиеті оқытушысы   М.М. Анапиянова «ҚАЗАҚСТАН ТӘУЕЛСІЗДІГІНЕ 30 ЖЫЛ» ойын-аукционын жүргізді. Ойын-аукцион Қазақстанның ұлттық валютасы күніне орайластырылды. Қатысушылар Тәуелсіз Қазақстан тарихының маңызды күндеріне байланысты сұрақтарға жауап беруге тиіс болды. Ойынға 1 курс студенттері қатысты. Ойын үш кезеңнен тұрды: «Ашық лот», «Жабық лот», «Сен-маған, мен-саған». Ойын шарты бойынша «Сенім» банкінің директоры АШМ 11 тобының студенті Шрейдер Александр командаларға 1000 теңге сомасына 10 %-бен несие берді. Тартысты ойын нәтижесінде АШМ 11 тобының студенттері Жунусов Токтар, Большаков Андрей, Бедрин Илья Г. жақсы білім мен кәсіпкерлік қасиеттерін көрсетті. Балалар банкке қарыздарын қайтарып қана қоймай, 550 теңге табыс тапты. Ойын-аукционға белсенді қатысқандар: ДІ 13 тобының студенттері Мельников Михаил, Шарымбаев Адиль, Кузьменко Егор, ТҰ 12 тобының студенттері Кадырбаева Регина, Крешун Милана, Бациева Екатерина. Шараның барысында ойыншылар Қазақстан Тәуелсіздігінің қалыптасу кезеңдерін еске алды, «Сан есім» тақырыбын қайталады, өйткені ойын барысында өз табысын және шығындарын есептеуге тура келді. Балалар кәсіпкер болу қаншалықты қиын екенін түсінді.