11 наурызда Павлодар облысы білім беру басқармасының жұмыс жоспарына сәйкес колледжде Baby Skills аудандық сайысы өтті. Сайысты өткізудің мақсаты жұмысшы кәсіптерінің беделін танымал ету және арттыру, жалпы білім беру ұйымдары оқушыларын жұмысшы кәсіптерін таңдауға ынталандыру, әлеуметтік және бизнес-әріптестермен ынтымақтастықты нығайту болып табылады.
Сайысқа Тереңкөл ауылының бастауыш сынып оқушылары, Оқушылар үйінің тәрбиеленушілері қатысты.
Сайыс «Аспаз ісі» және «Жол қозғалысы ережелерін білу» екі құзыреттілік бойынша өткізілді.
Білікті қазылар алқасының құрамына педагогикалық еңбек ардагері Василенко Клавдия Борисовна, әкімшілік полиция инспекторы Сапаров Асхат Ойратович кірді. Барлық қатысушылар өз құзыреттіліктерінде жақсы білімдері мен үздік дағдыларын көрсетті.
Іс-шараға қатысқан қатысушылардың ата-аналары Камиева Бибисара Сериковна, Алетаева Зульфия Бегендиковна және Мергенева Олеся Николаевна Baby Skills сайысын ұйымдастырғаны үшін алғыс білдірді. Сондай-ақ, әлеуметтік серіктес және жұмыс беруші Попп Оксана Александровна, АББ әдіскері Янченко Марина Владимировна сайыстан алған әсерлерімен, жағымды эмоцияларымен бөлісті.
https://atk-terenkol.edu.kz/novosti-kz/878-baby-skills-2023.html#sigFreeIdc7781d87eb