Студенттерді кәсіптік бағдар беру жұмыстарына тарту мақсатында 19 сәуірде колледжде «Профи-timе» үгіт бригадаларының сайысы өтті. Сайыс барысында бірінші курс студенттерінің командалары талапкерге арналған үгіт бригадасының ұранын ойлап тапты; мамандығы бойынша кәсіптік бағдарлау бейнеклипін көрсетті. Іс-шара командалардың үгіт-насихат жанрындағы көркем қойылымдарымен аяқталды. Қазылар алқасының құрамына колледждің қамқоршылық кеңесінің мүшелері Л.А. Тимлер, Аудандық Жастар орталығының директоры М.О. Жакупова және ОӨЖ жөніндегі орынбасары М.М. Анапиянова шақырылды. Сайыстың үш кезеңінің қорытындысы бойынша үздік үгіт бригадасы болып 12 ТҰ тобы, «Тамақтандыруды ұйымдастыру» мамандығы танылды, 2 орын 11 АШМ тобына, «Ауыл шаруашылығын механикаландыру» мамандығына, 3 орын 13 ДІ тобына, «Дәнекерлеу ісі» мамандығына берілді. Колледж әкімшілігі «ALDASPAN жастар орталығы» КММ-не сайыс жүргізуге қаржылай қолдау көрсеткені үшін алғыс білдіреді.